TITI LIVI AB URBE CONDITA LIBER XCV PERIOCHA
C. Curio procos. Dardanos in Thracia domuit.
IIII et LXX gladiatores Capuae ex ludo Lentuli profugerunt et congregata
seruitiorum ergastulorumque multitudine Crixo et Spartaco ducibus bello
excitato Claudium Pulchrum legatum et P. Varenum praetorem proelio
uicerunt.
L. Lucullus procos. ad Cyzicum urbem exercitum Mithridatis fame ferroque
deleuit, pulsumque Bithynia regem uariis belli ac naufragiorum casibus
tractum coegit in Pontum profugere.