Anrec Urien
Jes. MS 111 (Llyfr Coch Hergest)
col. 1049-1050
Taliessin
anrec vyren
Gogy gogyfercheis. gogyfarchaf gogyfuer-
chyd; vryen reget dywaỻouyet yleỽenyd,
Eur ac aryant mor eudiuant eu dihenyd,
Kynnoc ydaỽ rỽng y dỽylaỽ y gỽesgeryd,
Jeuaf awnaeth coỻ ac alaeth am veirch peunyd,
Keneu y vraỽt; kymun daeraỽt. ny bugeluyd,,
vryen awnaeth. dialynaeth. y gewilyd,,
Kynin vynnu. kyuarchwelu. eudihenyd,,
Deutu aeruen, diffỽys dilen, dydaỽ luyd,
Seleu delyit, enynnyessit. or a dybyd ~
Dybi y uaeth. aryd a chaeth, oc eu herwyd,
Cochliỽ lafneu trỽyualch eiryeu. amffrỽyth eugỽyd,
Wy kynnhalyant. ỻe pedwarchant. y pedwargỽyr,
Dỽfyr diynuas. bendigỽyf claf clas. oc euherwyd,
Yr ae kaffo kymunaỽl vo. yn dragỽwyd,
Dydaỽ coỻet. or ymdiryet. yrardelyd,
aỻaỽ heb uaỽt. aỻauyn ar gnaỽt. athlaỽt luyd.
Oes uiebionein. nyt ym gyghein ymmerweryd
Nyt ymganret. nyt ymdiret neb oegilyd,
Dreic owyned. diffwys dired. dirion dreuyd ~
ỻoegyrwys yd aa. ỻettaỽt yna. yhatchetlyd,
Torrit meinweith. yn anoleith orgyfuergyr.
Mỽy agoỻir noc ageffir. owyndodyd,
O gyt gyghor. kyfrỽyng escor. mor a mynyd,
Kyuyt ogud. gỽr auyd bud. ywyndodyd~
Gorffit vrythyon yn atporyon. arantyrrongyỽethyd.
Ef adaỽ byt. nybyd kerdglyt. nybyd keluyd,
alaf gar maer. archaỽc uyd chwaer. ỽrth y gilyd ~
ỻad abodi. o eleri. hyt chỽiluynyd ~
vn goruudiaỽc. an trugaraỽc. ef aoruyd,
Bychan ylu. yn ymchwelu. or mercherdyd,
Arth or deheu. kyuyt ynteu. dychyue ruyd,
ỻoegyrwys ỻedi. af riuedi. o bowyssyd,
Gỽeith cors uochno. odiangho. bydaỽt detwyd,
Deudeng wraged. ac nyt ryued. am vn gỽ r vyd,
Oes ieuengtit aghyfyrdelit. y uaeth dybyd,
Berỽ ymdifant. barnaỽc orcant. nys rywlyd,
[1049]
=========================================
vryen oreget. hael es yssyd acauyd. ac a vu yrdaf,
ỻetaf ygled. balch ygkynted or tri theyrn ar-
dec or gogled. a ỽnn eu henỽ. aneirin gỽaỽt-
ryd aỽenyd Minneu dalyessin. o iaỽn ỻyn
geiriōnyd. Ny dalywyf yn hen. ymdygyn
aghen. o ny molỽyf i vryen Amen ~
[1050]
