The Celtic Literature Coỻective

Gerein fil. Erbin
Pen. MS 1 (Llyfr Ddu Caerfyrddin)
pgs 71-73

Rac gereint gelin kẏstut. ẏ gueleise
meirch can crimrut. a gwidẏ gaur garv achlut
Rac gereint gelin dihad. gueleise meirch crimr-
ut o kad. a guẏdi gaur garu puẏllad. Rac gereint ge-

[71]

=========================================


lin ormes. gueleis meirch can cucrees. aguẏdi gaurga-
rv achles. En llogborth ẏgueleise vitheint. ageloraur
mvẏ nomeint. aguir rut rac ruthir gereint. Enllo-
gborth ẏgueleisegiminad. guirigrid aguaed am iad. rac
gereint vaur mab ẏtad. En llogporth gueleise gotto-
ev. aguir nẏgilint rac gvaev. acẏved gvin oguẏdir glo-
ev. En llogporth ẏ gueleise arwev guir.aguẏar in din-
ev. agvẏdi gaur garv atnev. En llogporth ẏ gueleise. ẏ
arthur guir deur kẏmẏnint adur. ameraudur llẏw-
iaudir llawrur. En llogporth ẏ llas ẏ gereint. guir
deur o odir diwneint. a chin rillethid ve.lla-
tẏsseint. Oet re rereint dan vortuid gereīt
garhirion graun guenith. Rution ruthir erir-
ion blith. Oet re rerent dan vortuid gereint. garhiriō
graun aebv. Rution ruthir eriron dv. Oet re rereint
dan mortuid gereint. garhirion graun boloch. Rution
ruthir eriron coch. Oet rerereint dan mortuid gereint

[72]

=========================================

garhirion graun wehin. Rution ruthir eririon gvīn.
Oet rerereint dan vortuid gereint. garhirion grat
hit. turuf goteith ar diffeith mẏnit. Oet re rereint
dan vortuid gereint garhirion gran anchvant. Blaur
blaen euraun inariant. Oet rerereint dan mortuid
gereint. garhirion. graun adas. Rution ruthir erẏrion
glas. Oet re rereint dan mortuid gereint. garhiri-
on graun eu buẏd. Rution ruthir eririon llvid.
Ban aned gereint oet agored pirth new. rotei crist
aarched prid mirein prẏdein wogoned.

[73]