A solis ortus cardine
Adusque terre limitem
Christum canamus principem
Natum Maria virgine.

Beatus auctor seculi           5
 Servile corpus induit,
 Ut carne carnem liberans
 Non perderet, quos condidit.

Caste parentis viscera
Celestis intrat gratia,           10
Venter puelle baiulat
Secreta, que non noverat.

Domus pudici pectoris
Templum repente fit Dei,
Intacta nesciens virum           15
Verbo creavit filium

Enixa est puerpera,
Quem Gabriel predixerat ,
Quem matris alvo gestiens
Clausus Johannes senserat.           20

Feno iacere pertulit,
Presepe non abhorruit
Parvoque lacte pastus est,
Per quem nec ales esurit.

Gaudet chorus celestium,           25
Et angeli canunt Deum,
Palamque fit pastoribus
Pastor creator omnium .

Hostis Herodes impie,
Christum venire quid times?           30
Non eripit mortalia,
Qui regna dat celestia.

Ibant magi, qua venerant,
Stellam sequentes previam,
Lumen requirunt lumine,           35
Deum fatentur munere .

Katerva matrum personat
Collisa deflens pignora,
Quorum tyrannus milia
Christo sacravit victimam.           40

Lavacra puri gurgitis
Cekstis agnus attigit ,
Peccata qui mundi tulit
Nos abluendo sustulit.

Miraculis dedit fidem           45
Habere se Deum patrem,
Infirma sanans corpora
Et suscitans cadavera.

Novum genus potentie!
Aque rubescunt hydrie,           50
Vinumque iussa fundere
Mutavit unda originem .

Orat salutem servulo
Nixus genu centurio ,
Credentis ardor plurirnus           55
Extinxit ignes febriurn

Petrus per undas arubulat
Christi levatus dextera;
Natura quam negaverat,
Fides paravit semitam.           60

Quarta die iam fetides
Titam recepit Lazarus
Mortisque liber vinculis
Factus superstes est sibi.

Rivos cruoris torridi           65
Contacta vestis obstruit:
Fletu rigante supplicis
Arent fluenta sanguinis.

Solutus omni corpore
Iussus repente surgere           70
Suis vicissim gressihus
Eger vehebat lectulum,

Tunc ille Judas carnifcx
Ausus magistrum tradere
Pacem ferebat osculo,           75
Quam non habebat pectore

Verax datur fallacibus,
Pium flagellat impius,
Crucique fixus innocens
Coniunctus est latronibus           80

Xeromurram post sabbatum
Quedam vehebant compares,
Quas allocutus angelus
Vivum sepulcro non tegi .

Ymnis, venite, dulcibus           85
Omnes canamus subditum
Christi triumpho tartarum,
Qui nos redemit venditus.

Zelum draconis invidi
Et os leonis pessimi           90
Calcavit unicus Dei
Seseque celis reddidit.